«Барселона» Испания Суперкубоги рекордини ўрнатди
Каталонияликлар яримфиналда «Атлетик»ни йирик ҳисобда мағлуб этди.
ФОТО: Getty Images
Кеча Испания Суперкубоги яримфинали доирасида «Барселона» ва «Атлетик» жамоалари ўртасидаги учрашув бўлиб ўтди. Баҳсда каталонияликлар 5:0 ҳисобида йирик ғалабани қўлга киритди. Шу тариқа, каталонияликлар Испания Суперкубоги тарихида рекорд ўрнатди.
«Барселона» Суперкубок яримфиналининг биринчи таймида тўртта гол урган илк жамоага айланди. Бунгача ҳеч бир жамоа бундай натижани қайд этмаган, дея хабар беради Opta.
Эслатиб ўтамиз, «Барселона» Испания Суперкубоги финалига йўл олди. Ҳал қилувчи учрашув якшанба куни, 11 январда бўлиб ўтади. Каталонияликларнинг рақиби Мадрид дербисида — «Атлетико» ва «Реал» ўртасидаги баҳсда ғалаба қозонган жамоа бўлади. Иккинчи финалчи бугун, 8 январь куни аниқланади.
Насрулло Каримов
Журналист