«Barselona» Ispaniya Superkubogi rekordini oʻrnatdi
Kataloniyaliklar yarimfinalda «Atletik»ni yirik hisobda magʻlub etdi.
FOTO: Getty Images
Kecha Ispaniya Superkubogi yarimfinali doirasida «Barselona» va «Atletik» jamoalari o‘rtasidagi uchrashuv bo‘lib o‘tdi. Bahsda kataloniyaliklar 5:0 hisobida yirik g‘alabani qo‘lga kiritdi. Shu tariqa, kataloniyaliklar Ispaniya Superkubogi tarixida rekord o‘rnatdi.
«Barselona» Superkubok yarimfinalining birinchi taymida to‘rtta gol urgan ilk jamoaga aylandi. Bungacha hech bir jamoa bunday natijani qayd etmagan, deya xabar beradi Opta.
Eslatib o‘tamiz, «Barselona» Ispaniya Superkubogi finaliga yo‘l oldi. Hal qiluvchi uchrashuv yakshanba kuni, 11 yanvarda bo‘lib o‘tadi. Kataloniyaliklarning raqibi Madrid derbisida — «Atletiko» va «Real» o‘rtasidagi bahsda g‘alaba qozongan jamoa bo‘ladi. Ikkinchi finalchi bugun, 8 yanvar kuni aniqlanadi.
Nasrullo Karimov
Jurnalist