«Барселона» Хулиан Алварес билан шартнома шартларини келишиб олди
«Барселона» «Атлетико» ҳужумчиси Хулиан Алварес билан шахсий шартнома шартларини келишиб олди. Бу ҳақда инсайдер Николо Скира маълум қилган.
Манбага кўра, аргентиналик футболчи Каталония клубига ўтишни истамоқда ва «Атлетико» раҳбариятидан трансферга рухсат беришни талаб қилмоқда. Бироқ Мадрид клуби Алваресни тўғридан-тўғри рақибига сотишни истамаяпти.
26 ёшли ҳужумчи 23-август куни Ла Лига доирасида «Вильярреал»га қарши учрашувда (2:2) майдонга тушди. Учрашувдан сўнг Алварес «Атлетико» мухлислари томонидан хуштакбозлик билан қарши олинган ва футболчи жамоа билан мухлислар олдига чиқмасдан, дарҳол кийиниш хонасига йўл олган.
Шу тарика, Алвареснинг «Барселона»га трансфери футболчининг шахсий шартлари бўйича келишувга қарамай, ҳали якунланмаган. Энди Каталония клуби «Атлетико» билан трансфер шартлари бўйича келишиб олиши керак.
