«Барселона» Холандни сотиб олишга тайёр — манба
«Барселона» спорт қўмитаси аъзоси Жоан Солер клубнинг трансфер бозоридаги улкан режалари билан ўртоқлашди. Унинг таъкидлашича, каталонияликлар молиявий жиҳатдан дунёнинг энг яхши футболчиларини сотиб олиш қувватига эга.
Cadena Ser нашрига берган интервьюсида Солер клубнинг молиявий ҳолати тикланаётганига ишора қилди:
«Ҳа, биз Хулиан Алварес ёки Эрлинг Холанд каби юлдуз футболчиларни сотиб олиш имкониятига эгамиз. Беш йил давомида бундай трансферлар ўзини тўлиқ оқлаши мумкин, «Барселона» бюджети бунга тайёр».
Шу билан бирга, клуб мутасаddиси молиявий интизом биринчи ўринда туришини таъкидлади. Унинг сўзларига кўра, клуб маошлар тизими бўйича қатъий чегарани белгилаб олган ва ундан ошиб кетмасликка ҳаракат қилади. «Барселона» футболчиларни бозор нархида сотиб олиш билан бирга, ички иш ҳақи тузилмасини мувозанатда сақлашни мақсад қилган.
Маълумот учун, ҳозирда «кўк-анорранглилар» Испания Ла Лигаси турнир жадвалида пешқадамлик қилмоқда.
