“Барселона” Гавининг соғлиғи ҳақида маълумот берди
“Барселона” бош мураббийи Ханс-Дитер Флик жамоа ярим ҳимоячиси Гавига боғлиқ вазият ҳақида маълумот берди. Испаниялик футболчи “Эльче”га қарши учрашувда ўнг тиззасидан жароҳат олиб, танаввусда алмаштирилган эди.
Фликнинг сўзларига кўра, Гави ҳозир ўзини анча яхши ҳис қилмоқда. Мураббий футболчининг ҳолати дастлабки тахминларга нисбатан яхшироқ эканини таъкидлаб, унинг тўлиқ тикланиши учун яна бироз вақт кераклигини билдирди.
Кейинчалик “Барселона” футболчининг тиббий кўрикдан ўтказилганини расман маълум қилди. Текширувлар Гавига жиддий жароҳат эмас, балки ўнг тиззасида лат етиш ташхиси қўйилганини кўрсатган. Клуб футболчининг яқин орада машғулотларга қайтиши кутилмоқда.
Маълумот учун, Гави аввал ҳам ўнг тиззасидан жиддий жароҳат олган эди. 2023 йилда унинг хочсимон боғлами узилган эди. Шу сабабли футболчининг навбатдаги тизза жароҳати дастлаб жиддий хавотир уйғотган.
