«Барселона» Гарсия билан узоқ муддатли битим имзоламоқчи
ФОТО: Getty images
"Барселона" ва марказий ҳимоячи Эрик Гарсия ўзаро шартномани узоқ муддатга узайтиришни истамоқда. Бу ҳақда Marca хабар бермоқда.
Манбага кўра, Каталония клуби бу мавсумда Ла Лиганинг дастлабки учта ўйинида уч марта асосий таркибда майдонга тушган футболчи билан келишувни узайтиришга киришган.
Эрикнинг "кўк-анорранглилар" билан амалдаги келишуви келаси йилнинг ёзига қадар мўлжалланган. Transfermarkt портали футболчини 18 миллион еврога баҳоламоқда. Ўтган мавсумда Гарсия "Барселона" сафида 45 та ўйинда майдонга тушиб, 5 та гол урди ва 3 та голли узатмани амалга оширди.
Розикжон Султонмуродов
Журналист