«Барселона» Фоденга қизиқиб қолди
Инглиз клуби ҳам футболчи билан шартномани узайтирмоқчи.
ФОТО: Getty images
«Манчестер Сити» ярим ҳимоячиси Фил Фоден фаолиятини Ла Лигада давом эттириши мумкин. Бу ҳақда Marca нашри хабар берди.
Манбага кўра, «Барселона» клуби 25 ёшли футболчини ўз сафига қўшиб олишни режалаштирмоқда.
Каталония клуби инглиз футболчисини шу ёзда, яъни унинг «шаҳарликлар» билан шартномаси тугашига бир йил қолганида сотиб олишга умид қилмоқда.
Эслатма учун, Фоден 2025 йилнинг ноябрь ойидан бери «Манчестер Сити» билан янги шартнома бўйича музокаралар олиб бормоқда. Бироқ ҳозиргача томонлар бир тўхтамга кела олишгани йўқ.
Розикжон Султонмуродов
Журналист