«Барселона» Флик қўл остида тўртинчи совринини қўлга киритди
«Барселона» Испания Суперкубоги–2026 финалида Мадриднинг «Реал» клубини 3:2 ҳисобида мағлуб этиб, навбатдаги совринни қўлга киритди. Ушбу ғалаба немис мутахассиси Ханс-Дитер Флик бошчилигидаги каталонияликлар учун тўртинчи трофей бўлди.
Аввалроқ «кўк-анорранглилар» 2025 йил давомида учта совринни қўлга киритганди — Испания Суперкубоги, мамлакат чемпионати ва Кубоги.
Қайд этиш жоиз, Суперкубок ва Кубок финалларида «Барселона» айнан «Реал»ни мағлуб этган.
Ханс-Дитер Флик «Барселона» бош мураббийлигига 2024 йил ёзида тайинланган. Шу вақт ичида жамоа барча мусобақаларда 88 та учрашув ўтказиб, 66 ғалаба қайд этди, 9 бор дуранг ўйнади ва 13 марта мағлуб бўлди. Флик бошқарувидаги «Барселона»нинг бир ўйинга тўғри келадиган ўртача очко кўрсаткичи 2,35 ни ташкил этмоқда.
