«Barselona» Flik qoʻl ostida toʻrtinchi sovrinini qoʻlga kiritdi
«Barselona» Ispaniya Superkubogi–2026 finalida Madridning «Real» klubini 3:2 hisobida mag‘lub etib, navbatdagi sovrinni qo‘lga kiritdi. Ushbu g‘alaba nemis mutaxassisi Hans-Diter Flik boshchiligidagi kataloniyaliklar uchun to‘rtinchi trofey bo‘ldi.
Avvalroq «ko‘k-anorranglilar» 2025 yil davomida uchta sovrinni qo‘lga kiritgandi — Ispaniya Superkubogi, mamlakat chempionati va Kubogi.
Qayd etish joiz, Superkubok va Kubok finallarida «Barselona» aynan «Real»ni mag‘lub etgan.
Hans-Diter Flik «Barselona» bosh murabbiyligiga 2024 yil yozida tayinlangan. Shu vaqt ichida jamoa barcha musobaqalarda 88 ta uchrashuv o‘tkazib, 66 g‘alaba qayd etdi, 9 bor durang o‘ynadi va 13 marta mag‘lub bo‘ldi. Flik boshqaruvidagi «Barselona»ning bir o‘yinga to‘g‘ri keladigan o‘rtacha ochko ko‘rsatkichi 2,35 ni tashkil etmoqda.
