Барселона Флик билан шартномани узайтиришни хоҳламоқда

Diario Sport нашрининг Bild'га таянилиб хабар беришича, каталонияликлар 60 ёшли герман мутахассисига яна бир йиллик — 2028 йил ёзигача мўлжалланган келишувни таклиф қилди. Клуб мураббийнинг шартнома муддати тугаб бораётган вазиятда ишлашининг олдини олишни истамоқда. Шунингдек, Барса лойиҳа ичидаги барча ўзини қулай ҳис қилишига интилаётгани таъкидланмоқда.

Спорт директори Деку мураббий билан ҳамкорликни давом эттириш устида ишламоқда. Ханснинг агенти Пини Захави аллақачон Жоан Лапорта билан муҳим учрашув ўтказди, томонлар шартномани узайтиришга яқин турибди.

Янги битим муддати бир йил этиб белгиланиши Фликнинг ўзи узоқ муддатли шартнома тузишни хоҳламаётгани билан изоҳланмоқда.

Иброҳим Жалолов

Редактор