«Барселона» Ферран Торресни сотишга тайёр
Бунга футболчининг ПСЖ қизиқишини «яхши белги» деб атагани ва каталонияликлар уни сақлаб қолиш учун тезроқ ҳаракат қилиши кераклигини билдирагани сабаб бўлган.
Фото: Getty Images
«Барселона» раҳбарияти ҳужумчи Ферран Торрес бўйича тушадиган таклифларни кўриб чиқишга тайёр. Бунга футболчининг ПСЖ қизиқишини «яхши белги» деб атагани ва каталонияликлар уни сақлаб қолиш учун тезроқ ҳаракат қилиши кераклигини билдирагани сабаб бўлган.
Манбага кўра, клуб Торреснинг ушбу сўзларини унинг жамоани тарк этиш истагига ишора сифатида қабул қилган. Эндиликда «Барселона» 26 ёшли футболчи учун аниқ таклифларни кутмоқда.
Ҳужумчининг асосий даъвогари сифатида ПСЖ кўрсатилмоқда. Торреснинг «Барселона» билан амалдаги шартномаси 2027 йилгача мўлжалланган, шу боис каталонияликлар уни арзон нархда қўйиб юбормоқчи эмас.
Насрулло Каримов
Журналист