“Барселона” Ферран Торрес ўрнига “Арсенал” ҳужумчисини олиб келмоқчи
“Барселона” ёзги трансфер ойнасини ҳужум чизиғини кучайтириш устида ишламоқда. Каталония клуби ПСЖ сафига ўтган Ферран Торреснинг ўрнига “Арсенал” ҳужумчиси Виктор Дёкерешни асосий номзодлардан бири сифатида кўриб чиқмоқда. Бу ҳақда журналист Хосе Алварес маълум қилди.
Манбага кўра, Дёкереш Торрес кетганидан кейин “Барселона” учун устувор вариантлардан бирига айланган. Каталония клуби швед ҳужумчисини 2024 йилдан бери кузатиб келган ва уни аввалроқ Роберт Левандовскининг эҳтимолий ўринбосари сифатида ҳам кўриб чиққан.
Дёкереш “Арсенал” сафига ўтган ёзда “Спортинг”дан 70 миллион евро ва бонуслар эвазига қўшилган эди. У Англия Премьер-лигаcидаги дебют мавсумида 36 та учрашувда 14 та гол уриб, “Арсенал”нинг чемпион бўлишига ҳисса қўшди.
Маълумот учун, “Барселона” Ферран Торресни ПСЖга 50 миллион евроға сотган. Энди Каталония клуби бир мавсумда 30 ва ундан ортиқ гол ура оладиган ҳужумчини ўз сафига қўшишни мақсад қилган ва Дёкереш шу талабга мос номзодлардан бири сифатида кўрилмоқда.
