«Барселона» Фермин Лопес бўйича АПЛдан фойдали таклиф олди
Испаниялик футболчи фаолиятини Премьер-лигада давом эттириши мумкин.
ФОТО: Getty Images
«Барселона» яримҳимоячи Фермин Лопес бўйича жозибадор таклиф олди.
Fichajes нашрининг хабарига кўра, «Сандерленд» каталонияликларга 22 ёшли футболчи учун 70 миллион фунт (80 миллион евро ёки ундан ортиқ) таклиф қилган. Молиявий қийинчиликларни бошдан кечираётган «кўк-анорранглилар» ҳозирда ушбу таклифни кўриб чиқмоқда.
Жорий мавсумда Фермин Лопес барча мусобақаларда 19 ўйинда майдонга тушиб, 7 та гол урди ва 6 та голли узатма амалга оширди. Transfermarkt портали футболчининг бозор қийматини 70 миллион евро деб баҳоламоқда.
Насрулло Каримов
Журналист