Барселона директорлар кенгашида келаси ойда «Камп Ноу» стадионига қайтиш таклифи оммалашмоқда
Испаниянинг «Барселона» клуби директорлар кенгашида келаси ойда «Камп Ноу» стадионига қайтиш таклифи оммалашмоқда. Бу ҳақда sport.es хабар бермоқда.
Жамоа шу ойнинг ўзидёқ 27 минг мухлисни сиғдира оладиган стадионни очиш имконини берадиган лицензияни қўлга киритиши керак, бироқ раҳбариятнинг кўпроқ фойда олиш истаги ноябр ойига қадар ён трибунадаги ишлар якунланишини кутишига олиб келиши мумкин. Бу ҳолатда спорт объекти 45 минг мухлисни қабул қила олади.
Қайд этилишича, яқинда «Олимпия» стадионида бўлиб ўтган «Реал Сосьедад»га қарши ўйинга 50 мингдан ортиқ томошабин ташриф буюрган. 18 октябрь куни «Жирона»га қарши ўйинда «Камп Ноу»га қайтиш эҳтимоли энди кўпчилик томонидан клуб бюджетига зарба сифатида баҳоланмоқда.
«Барселона» стадионидаги таъмирлаш ишларини тўлиқ якунлаш келаси ёзга режалаштирилган.
