«Барселона» Давид Алаба вазиятини кузатмоқда
«Барселона» эркин агент мақомидаги футболчиларни таркибига қўшиш имкониятларини кўриб чиқмоқда ва собиқ «Реал» ҳимоячиси Давид Алабанинг вазиятини кузатяпти. Бу ҳақда журналист Экрем Конур маълум қилди.
Манбага кўра, каталонияликлар бош мураббийи Ханс-Дитер Флик 34 ёшли австриялик футболчини «Бавария»даги фаолиятидан яхши танийди. «Барселона»
Алабанинг универсаллигини юқори баҳоламоқда — у марказий ҳимояда ҳам, қанотда ҳам ўйнай олади.
Шу билан бирга, ҳозирча Алабанинг Италия клубига ўтиши эҳтимоли юқорироқ. Унинг хизматларига «Рома» ва «Лацио» ҳам қизиқиш билдирмоқда.
Алаба 2021 йилдан 2026 йилгача «Реал» шарафини ҳимоя қилди. Бу даврда у барча мусобақаларда 132 та учрашув ўтказиб, 5 та гол ва 9 та голли узатма қайд этди. Ўтган ёзда футболчи эркин агентга айланди.
