«Барселона» Чемпионлар Лигасининг сўнгги икки мавсумида 44 та гол ўтказиб юборди
UEFA Чемпионлар Лигасининг чорак финал жавоб учрашуви доирасида «Атлетико» яримҳимоячиси Адемола Лукманнинг «Барселона» дарвозасига урган голи каталонияликлар учун сўнгги икки мавсумдаги 44-ўтказиб юборилган тўп бўлди.
Учрашув Мадриддаги «Сивитас Метрополитано» стадионида бўлиб ўтмоқда. Ўйинни бош ҳакам Клеман Тюрпен бошқармоқда. Айни дақиқаларда «кўк-анорранглилар» 2:1 ҳисобида олдинда бормоқда.
ESPN нашрининг хабар беришича, ушбу давр мобайнида Чемпионлар Лигасининг ҳеч бир иштирокчиси «Барселона»дан кўпроқ гол ўтказиб юбормаган.
Эслатиб ўтамиз, жамоалар ўртасидаги дастлабки учрашувда «Атлетико» 2:0 ҳисобида ғалаба қозонган эди.
Мусобақанинг 1/8 финал босқичида «Барселона» икки ўйин натижасига кўра «Ньюкасл»ни 8:3 ҳисобида таслим этган бўлса, «матрасчилар» худди шу босқичда «Тоттенҳем»дан устун келишган (умумий ҳисоб — 7:5).
