«Барселона» биринчи, «Реал» иккинчи — Топ-5 лигаларда энг кўп тарбияланувчиларга эга клублар рейтинги эълон қилинди
Халқаро спорт тадқиқотлари маркази (CIES) Европанинг топ-5 лигаларида энг кўп тарбияланган футболчиларга эга клублар рейтингини эълон қилди. Кучли Европа чемпионатларида ўз етиштирган ўйинчилари билан етакчи бўлган клублар — Испаниянинг «Барселона» ва «Реал» жамоалари.
Каталонияликлар академиясининг 40 нафар битирувчиси топ-5 лигаларда жами 25 076 дақиқа ўйнаган. Улардан 10 нафари айни пайтда клуб сафида майдонга тушмоқда.
«Реал» академиясидан 35 нафар футболчи етишиб чиққан бўлиб, улардан олтитаси асосий жамоада ўйнайди. Рейтингда кучли учликни Франциянинг «ПСЖ» клуби якунлаб турибди (31 нафар битирувчи).
Топ-5 лигаларга кирмайдиган ягона клуб — «Аякс». Амстердам жамоаси рейтингда бешинчи ўринни эгаллаб, 27 нафар тарбияланган футболчи билан ҳисобланган.
