«Barselona» birinchi, «Real» ikkinchi — Top-5 ligalarda eng koʻp tarbiyalanuvchilarga ega klublar reytingi eʼlon qilindi
Xalqaro sport tadqiqotlari markazi (CIES) Yevropaning top-5 ligalarida eng ko‘p tarbiyalangan futbolchilarga ega klublar reytingini e’lon qildi. Kuchli Yevropa chempionatlarida o‘z yetishtirgan o‘yinchilari bilan yetakchi bo‘lgan klublar — Ispaniyaning «Barselona» va «Real» jamoalari.
Kataloniyaliklar akademiyasining 40 nafar bitiruvchisi top-5 ligalarda jami 25 076 daqiqa o‘ynagan. Shulardan 10 nafari ayni paytda klub safida maydonga tushmoqda.
«Real» akademiyasidan 35 nafar futbolchi yetishib chiqqan bo‘lib, ulardan oltitasi asosiy jamoada o‘ynaydi. Reytingda kuchli uchlikni Fransiyaning «PSJ» klubi yakunlab turibdi (31 nafar bitiruvchi).
Top-5 ligalarga kirmaydigan yagona klub — «Ayaks». Amsterdam jamoasi reytingda beshinchi o‘rinni egallab, 27 nafar tarbiyalangan futbolchi bilan hisoblangan.
