«Барселона» аёллар жамоаси эркаклар жамоасига нисбатан кўпроқ томошабин жалб этди
Аёллар ўртасидаги Чемпионлар Лигасининг 1/4 финал жавоб учрашуви доирасида ўтган «Барселона» ва Мадриднинг «Реал» жамоалари ўртасидаги баҳсни 60 067 нафар томошабин бевосита стадиондан кузатиб борди.
«Спотифай Камп Ноу» стадионида бўлиб ўтган ушбу ўйинга «кўк-анорранглилар»нинг эркаклар жамоаси иштирокидаги ҳар қандай ўйиндан кўра кўпроқ мухлис ташриф буюрди. Бу ҳақда Barca Universal хабар бермоқда.
Учрашув каталонияликларнинг 6:0 ҳисобидаги йирик ғалабаси билан якунланди. Таъкидлаш жоизки, жамоалар ўртасидаги дастлабки баҳсда ҳам «Барселона» 6:2 ҳисобида зафар қучган эди.
Шу тариқа, икки ўйин натижасига кўра умумий 12:2 ҳисобида ғалаба қозонган «Барселона» ярим финалга йўл олди. Турнирнинг ушбу босқичида каталонияликлар Германиянинг «Бавария» аёллар жамоасига қарши майдонга тушадилар.
