«Барселона» антиқа антирекорд қайд этди
Каталонияликлар Ла Лиганинг 20-турида «Реал Сосьедад»га мағлуб бўлди.
ФОТО: Getty Images
«Барселона» Испания Ла Лигасининг 20-турида «Реал Сосьедад»га қарши ўйинда (1:2) беш марта тўпни устун ёки тўсинга тегизди ва шу тариқа клуб тарихидаги 1945 йилдан бери қайд этилган статистик антирекордни такрорлади.
Журналист Алексис Мартин-Тамайо (MisterChip) X ижтимоий тармоғидаги саҳифасида маълум қилишича, каталонияликлар Ла Лига доирасида беш марта устун ёки тўсинга зарба берганидан сўнг ғалаба қозона олмаганига 81 йил бўлган. Ўшанда «Барселона» «Мурсия» билан 1:1 ҳисобида дуранг ўйнаган эди.
Испания чемпионатининг 20 туридан сўнг «Барселона» 49 очко жамғариб, турнир жадвалида етакчилик қилмоқда. «Реал Сосьедад» эса 24 очко билан тўққизинчи ўринда бормоқда.
Насрулло Каримов
Журналист