\"Барселона\" 3:3 \"Интер Милан\"
Европа чемпионлар лигаси ярим финал дастлабки учрашувлар доирасидаги Миланнинг “Интер” ҳамда Каталониянинг “Барселона” жамоалари ўртасидаги қарма-қаршилик ўз ниҳоясига етди. Унда томонлар 3:3 ҳисобидаги жанговор дурангга имзо чекдилар.
Ўйиннинг 36 сониясида “Интер”нинг дастлабки ҳужуми шедевр гол билан якунланди. Дензелнинг тўп узатишидан сўнг, Тюрам товони билан охиста зарба бериб ҳисобни очди, 0:1.
Учрашувнинг 21 дақиқасида бурчакдан оширилган тўпни Ачерби боши билан ўзидан қулайроқ вазиятда турган Дензелга узатди ва Дензелнинг ўзи бу сафар қайчи усулида гол киритиб ҳисобдаги фарқни иккитага етказди, 0:2.
24 дақиқада “Барселона”нинг ёш юлдузи Ламин Ямал супергол киритиб орадаги фарқни биттага қисқартирди, 1:2.
38 дақиқада каталонияликлар ҳисобни тенглаштириш орқали камбек амалга ошира олишди. Бу сафар Рафиньянинг тўп узатишидан сўнг, Ферран Торрес қойилма-қом ҳаракати билан дарвозабонни ожиз қолдирди, 2:2
63 дақиқада Дензел яна бир бор рақиб дарвозабонини ранжитди ва дуб қайд этиш орқали яна италияликларни олдинга олиб чиқди, 2:3.
Орадан икки дақиқа ўтиб, испанлар футболчиси кучли зарба йўллади ва тўп дарвоза тўсинига тегиб, орқага қайтишда дарвозабонга тегди ва дарвозабон автогол қайд этди, 3:3.
Шу тариқа ярим финалнинг дастлабки тўқнашувида томонлар жанговор дуранг қайд этишди.
Чемпионлар лигаси 1/2 финал
"Барселона" 3:3 "Интер"
Голлар: Ямал 24, Торрес, Зоммер 66 (а.г) - Тюрам 1, Думфрис 21, 64
