«Барселона» 16 ёшли ҳужумчининг трансфери бўйича келишувга эришди
Дам олиш кунлари ушбу харид расман эълон қилиниши кутилмоқда.
ФОТО: Getty Images
«Барселона» Англиянинг «Норвич Сити» клуби ҳужумчиси, 16 ёшли Ажая Таварес трансферига тўлиқ нуқта қўйди. Маълумотларга кўра, инглиз иқтидори дам олиш кунлари Каталония пойтахтига етиб келади. Бу ерда у тиббий кўрикдан ўтиши ва «кўк-анорранглилар» билан расмий шартнома имзолаши кутилмоқда.
Клублар ўртасидаги барча юридик масалалар ҳал этилган, трансфер тез орада расман эълон қилинади.
Ажая Таварес чап қанот вингери позициясида тўп суради. Ҳозиргача у «Норвич Сити»нинг 18 ёшгача бўлган жамоасида ҳаракат қилган.
Асосий жамоада расмий ўйинларда дебют қилмаган бўлса-да, ўтган йилнинг июль ойида Нидерландиянинг «Волендам» клубига қарши ўртоқлик учрашувида майдонга тушган. Шунингдек, у Англия U17 терма жамоаси сафида 4 та ўйинда иштирок этган.
