Барколья АПЛга йўл олиши мумкин

“ПСЖ” вингери Брэдли Барколья фаолиятини АПЛда давом эттириши мумкин. Бу ҳақда El Nacional нашри хабар берди.

Манбага кўра, 22 ёшли франциялик футболчига “Ньюкасл”, Арсенал" ва “Тоттенхэм” жамоалари томонидан қизиқиш бўлмоқда.

“ПСЖ” клуби Баркольяни сотиб юборишга тайёр. Футболчининг трансфер қиймати тахминан 50 миллион еврони ташкил этмоқда.

Ўтган мавсумда Брэдли барча мусобақаларда 57 та учрашувда иштирок этиб, 21 гол урди ва 18 та ассист қайд этди. Футболчининг клуб билан шартномаси 2028 йилнинг ёзигача амал қилади.

Розикжон Султонмуродов

Журналист