Баркола «ПСЖ» билан янги шартнома имзоламайди
Бу ҳақда инсайдер Фабрицио Романо хабар берди.
ФОТО: Getty images
Франциялик вингер Брэдли Баркола «ПСЖ» билан янги шартнома тузмасликка қарор қилди. Бу ҳақда инсайдер Фабрицио Романо хабар берди.
Аввал хабар қилинганидек, франциялик футболчи ёзги трансфер ойнасида янги вариантларни кўриб чиқишга очиқ ва у парижликлар таклиф қилган янги шартномани имзоламайди.
Айни пайтда «Ливерпуль» Барколани трансферлар рўйхатининг энг юқори қисмига қўйган. Англия клуби уни ёзги трансфер кампаниясидаги асосий мақсадларидан бири сифатида кўрмоқда.
Энди Барколанинг келажаги бўйича музокаралар янада жадаллашиши кутилмоқда. «Ливерпуль» футболчини ўз сафига қўшиб олиш учун асосий даъвогарлардан бири бўлиб турибди.
Розикжон Султонмуродов
Журналист
