Балотелли фаолиятини Испанияда давом эттириши мумкин
Фото: Getty Images
Ҳужумчи Марио Балотелли фаолиятини Испанияда давом эттириши мумкин. Бу ҳақда Fichajes хабар берди.
Манбага кўра, учинчи дивизион клуби "Реал Мурсия" 34 ёшли италияликка алоҳида шартларни ичига олган таклиф билан чиққан.
Балотелли янги жамоада тахминан 500 минг евро маош олади.
Балотеллининг қарорини ҳафта охиригача кутишади. Унинг вакиллари ва клуб президенти Фелипе Морено ўртасидаги музокаралар бевосита давом этмоқда,
Ўтган мавсумда "Женоа" сафида А Серияда бор-йўғи 6 ўйинда майдонга тушди ва гол уролмади. Ҳужумчи ёзда клубни эркин агент сифатида тарк этган эди.
Баҳром Бобонов
Редактор