Балогун: «Буни узоқ вақтдан бери орзу қилардим»
«Монако» клуби ва АҚШ терма жамоаси ҳужумчиси Фоларин Балогун 2026 йилги жаҳон чемпионатининг 1-турида Парагвайга қарши 4:1 ҳисобидаги ғалабали ўйиндан сўнг ўз фикрлари билан ўртоқлашди. Мазкур учрашувда форвард дубль муаллифига айланди.
«Бу — ажойиб воқеа. Ажойиб кеча ва мен буни узоқ вақтдан бери орзу қилардим. Мен АҚШ терма жамоаси сафида ўйнашга розилик берганман ва бу қароримнинг бир қисми — энг йирик ареналарда тўп суриш ва мухлисларга жавоб қайтариш истаги эди.
Мен учун уй мухлислари олдида ўйнаш жуда катта аҳамиятга эга… жаҳон чемпионатининг ўз юртимизда ўтаётгани… Мен жуда бахтиёрман ва барчадан фахрланаман. Илк ўйин олдидан ҳаяжонни енгиш мен учун жуда муҳим эди ва биз буни уддаладик. Ишонаманки, бу бизга фойда келтиради», — дейилади футболчининг сўзларида FIFA расмий сайтида.
