«Баланд Масжид» — Фарғона ҳоким кубоги ғолиби
Учинчи ўрин учун кечган учрашувда “Нефтчи” U-21 жамоаси ғолибликни қўлга киритди.
Фото: Спорт вазирлиги
Фарғона шаҳридаги Истиқлол стадиони захира майдонида Фарғона вилояти ҳокими кубоги - 2026 мусобақасининг финал учрашуви бўлиб ўтди. Мусобақада Яйпан U-19 ҳамда Баланд Масжид жамоалари ўзаро беллашди.
Қизғин ва муросасиз кечган баҳсда Баланд Масжид жамоаси 2:1 ҳисобида ғалаба қозониб, мусобақа чемпионига айланди.
Шунингдек, учинчи ўрин учун кечган учрашувда “Нефтчи” U-21 жамоаси ғолибликни қўлга киритди.
Мусобақа ёш футболчиларнинг маҳоратини ошириш, соғлом рақобат муҳитини шакллантириш ҳамда футбол спорт турини янада оммалаштиришга хизмат қилди.
Розикжон Султонмуродов
Журналист