Баэна: «Кичик хато ҳам турнирдан чиқиб кетишга олиб келиши мумкинлигини яхши биламиз»
Испания терма жамоаси ярим ҳимоячиси Алекс Баэна 2026 йилги жаҳон чемпионатининг 1/16 финали доирасида бўлиб ўтадиган Австрия билан бўлажак учрашув ҳақида фикр билдирди.
— Мен уларнинг гуруҳ босқичида Аргентинага қарши ўйинини кўргандим, шекилли. Ростини айтсам, улар менда жуда яхши таассурот қолдирди. Бу ажойиб футболчилари бор кучли жамоа. Улар яккакурашларда жуда тажовузкор ҳаракат қилишади, тўпни яхши назорат қила олишади, шунинг учун бизни ўта оғир ўйин кутмоқда.
— Энди хато қилишга ҳаққимиз йўқ — бутунлай бошқа жаҳон чемпионати бошланмоқда. Бунга қандай ёндашасиз?
— Биз ҳатто кичик хато ҳам турнирдан чиқиб кетишга олиб келиши мумкинлигини тушунамиз. Шунинг учун олдинги ўйинлардаги кичик камчиликларни тузатиш, аллақачон кўрсатган барча яхши томонларимизни сақлаб қолиш ва ривожланишда давом этиш керак, — дея Баэнанинг сўзларини келтиради Mundo Deportivo нашри.
