БАА терма жамоасига янги бош мураббий тайинланди
Фото: Getty Images
Руминиялик мутахассис Козмин Олариу БАА миллий терма жамоаси бош мураббийи этиб тайинланди.
Олариу ушбу терма жамоа билан икки йиллик шартнома имзолаган. Шу тариқа, у 5 июнь куни Ўзбекистонга қарши Жаҳон чемпионати саралаш босқичида БААга устозлик қилади.
Маълумот учун, БАА терма жамоаси саралашнинг “А” гуруҳида 13 очко билан учинчи ўринда бормоқда. Ўзбекистон терма жамоаси 17 очко билан иккинчи, Эрон эса 20 очко билан етакчи ҳисобланади.