Азиз Ғаниев БАА-Про лигасида иккита ассистни амалга оширди
Фото: Getty Images
БАА Про лигаси 2-туридан ўрин олган баҳсда Азиз Ғаниев тўп сурадиган “Ал-Батаеҳ” ўз майдонида “Хорфаккан”ни қабул қилди ва якунда 2:1 ҳисобида ғалаба қозонди.
Эътиборли жиҳати шуки, ўзбекистонлик ярим ҳимоячи Азиз Ғаниев жамоасининг ҳар иккала голига ассист амалга оширди.
У учрашувни асосий таркибда бошлаб, тўлиқ майдонда ҳаракат қилди.
Маълумот учун, “Ал-Батаеҳ” ушбу ғалабадан сўнг ўз очколари ҳисобини 3 тага етказиб олиб, жадвалда 10-ўриндан жой олди. Жамоа ўзининг навбатдаги ўйинини 30 август куни БАА Лига Кубоги доирасида “Ал-Наср Дубай” клубига қарши ўтказади.
Розикжон Султонмуродов
Журналист