Aziz G‘aniyev BAA Pro ligasida ikkita assistni amalga oshirdi
Фото: Getty Images
BAA Pro ligasi 2-turidan o‘rin olgan bahsda Aziz G‘aniyev to‘p suradigan “Al-Bataeh” o‘z maydonida “Khorfakkan”ni qabul qildi va yakunda 2:1 hisobida g‘alaba qozondi.
E’tiborga molik jihati shundaki, o‘zbekistonlik yarim himoyachi Aziz G‘aniyev jamoasining har ikkala goliga assist amalga oshirdi.
U uchrashuvni asosiy tarkibda boshlab, to‘liq maydonda harakat qildi.
Ma’lumot uchun, “Al-Bataeh” ushbu g‘alabadan so‘ng o‘z ochkolari hisobini 3 taga yetkazib olib, jadvalda 10-o‘rindan joy oldi. Jamoa o‘zining navbatdagi o‘yinini 30 avgust kuni BAA Liga Kubogi doirasida “Al-Nasr Dubay” klubiga qarshi o‘tkazadi.
Roziqjon Sultonmurodov
Jurnalist