Аёллар ўртасидаги Чемпионлар лигасининг ярим финалчилари маълум бўлди
27-мартдан 28-мартгача ўтар кечаси аёллар ўртасидаги Чемпионлар лигасининг чорак финал жавоб учрашувлари бўлиб ўтди. Испаниянинг "Барселона" клуби Германиянинг "Волфсбург" жамоасига қарши майдонга тушди.
Биринчи учрашувда испанлар 4:1 ҳисобида ишончли ғалабани қўлга киритган эди. Ўтган ўйинда ҳам устунлик "Барселона" томонида бўлди. Испан клуби 6:1 ҳисобида ғалаба қозониб, ярим финалга йўл олди ва у ерда Англиянинг "Челси" жамоасига қарши ўйнайди. Ўз навбатида "Челси" ўз ватандоши "Манчестер Сити"ни 3:0 ҳисобида мағлуб этди. Инглиз клублари ўртасидаги биринчи ўйин 2:0 ҳисобида Манчестерликлар фойдасига якунланган эди. Бир гол фарқи билан "Челси" ярим финалга чиқишга эришди. Иккинчи яримфиналда "Ливерпул" ва "Олимпик" тўқнаш келади.
Аёллар ўртасидаги Чемпионлар лигаси. 1/8 финал
Барселона- Волфсбург - 6:1
Голлар: Параллуело 10, 20, Бругтс 41, Пина 62, 77, Леон 90+1 - Биренштейн 72.
Челси - Манчестер Сити - 3:0
Голлар: Балтимор 14, Бжорн 38, Рамирез 43.
