Аёллар футзали бўйича Осиё Кубоги-2025. Ўзбекистон терма жамоаси Хитойга мағлуб бўлди
Хитой мезбонлигида бўлиб ўтаётган аёллар футзали бўйича Осиё Кубоги доирасида Ўзбекистон терма жамоаси Хитойга қарши баҳс олиб борди ва якунда вакилаларимиз 3:1 ҳисобига имкониятни бой бериб қўйди.
Дастлаб, ҳисоб 10-дақиқада Ке Яо Сянг томонидан очилди (1:0). 11-дақиқада эса Мадина Воҳидова тезкор гол билан жавоб берди (1:1).
32-дақиқада Жан Вен Чин юрти вакилаларини ҳисобда олдинга олиб чиққан бўлса (2:1), 37-дақиқада Ке Яо Сянг дублни расмийлаштирди (3:1).
Маълумот учун, Фаррух Зокиров бошқарувидаги жамоамиз “A” гуруҳида 3-ўринни эгаллади ва плей-офф йўлланмаси учун имкониятни сақлаб қолди. Эртага гуруҳ босқичи ўз якунига етади ҳамда чорак финалининг барча иштирокчилари аниқ бўлади.
Аёллар футзали бўйича Осиё Кубоги-2025
Хитой 3:1 Ўзбекистон
Голлар: Ке Яо Сянг 10' (1:0), Мадина Воҳидова 11' (1:1), Жан Вен 32' (2:1), Ке Яо Сянг 37' (3:1).
