Аёл ҳакамларимиз Суперлига баҳсларида мунтазам равишда фаолият олиб боришмоқда
Сурхон – Шўртан баҳсида эса 2025 йилги мавсумда илк бор аёл ҳакамлар ёрдамчи ҳакам сифатида ишлайди.
Фото: ЎФА
Ўзбекистон Суперлигасининг 28-турида аёл ҳакамларимиз бир нечта учрашувларда фаолият олиб боришмоқда.
Тажрибали ҳакам Кристина Середа ОКМК – Навбаҳор баҳсида, ёш ҳакам Насибабону Тошмуҳаммедова эса Насаф – Машъал учрашувида АВАР ҳакамлари сифатида фаолият олиб борди.
Бугун бўлиб ўтадиган Сурхон – Шўртан баҳсида эса 2025 йилги мавсумда илк бор аёл ҳакамлар ёрдамчи ҳакам сифатида ишлайди.
Кристина Середа ва Зилола Раҳматова – ёрдамчи ҳакамлар
Гулшода Саитқулова – захира ҳаками
Дилдора Рустамова – АВАР ҳаками сифатида фаолият юритади.
Бу — аёл ҳакамларимизнинг Суперлигадаги иштироки ва профессионал ўсиши йўлидаги муҳим қадамлардан биридир.
Розикжон Султонмуродов
Журналист