Ayol hakamlarimiz Superliga bahslarida muntazam ravishda faoliyat olib bormoqda
Surxon – Sho‘rtan bahsida esa 2025 yilgi mavsumda ilk bor ayol hakamlar yordamchi hakam sifatida ishlaydi.
Фото: ЎФА
O‘zbekiston Superligasining 28-turida ayol hakamlarimiz bir nechta uchrashuvlarda faoliyat olib bormoqda.
Tajribali hakam Kristina Sereda OKMK – Navbahor bahsida, yosh hakam Nasibabonu Toshmuhammedova esa Nasaf – Mash'al uchrashuvida AVAR hakamlari sifatida faoliyat olib bordi.
Bugun bo‘lib o‘tadigan Surxon – Sho‘rtan bahsida esa 2025 yilgi mavsumda ilk bor ayol hakamlar yordamchi hakam sifatida ishlaydi.
Kristina Sereda va Zilola Rahmatova – yordamchi hakamlar
Gulshoda Saidqulova – zaxira hakami
Dildora Rustamova – AVAR hakami sifatida faoliyat yuritadi.
Bu — ayol hakamlarimizning Superligadagi ishtiroki va professional o‘sishi yo‘lidagi muhim qadamlaridan biridir.
Roziqjon Sultonmurodov
Jurnalist