«Аякс» Томиясу билан шартнома имзолашга яқин
Томиясу ҳозирда эркин агент мақомига эга.
ФОТО: Getty images
“Арсенал” собиқ ҳимоячиси Такехиро Томиясу яқин орада “Аякс” футболчисига айланиши мумкин. Бу ҳақда журналист Шоҳей Баба хабар берди.
Манбага кўра, Нидерландия клуби қишки трансфер ойнасида япониялик 27 ёшли ўйинчи билан мавсум охиригача қисқа муддатли шартнома имзолашни режалаштирмоқда.Ҳозирча томонлар охирги деталларни келишмоқда.
Маълумот ўрнида, Томиясу ҳозирда эркин агент мақомига эга. У ёзда “Арсенал”ни тарк этганди.
Ўтган мавсум 27 ёшли футболчи АПЛда фақат битта ўйинда майдонга тушган. Жароҳати сабаб кўп ўйинларда иштирок этмаган.
Розикжон Султонмуродов
Журналист