«Аякс» Себалосга қизиқиш билдирмоқда
Унинг клуб билан амалдаги шартномаси 2027 йил ёзигача мўлжалланган.
ФОТО: Getty images
«Аякс» Мадриднинг «Реал» клуби яримҳимоячиси Дани Себалосга қизиқиш билдирмоқда. Бу ҳақда AS хабар берди.
Нидерландия клуби спорт директори Йорди Кройф 29 ёшли футболчини янги лойиҳанинг бир қисми сифатида кўрмоқда. «Аякс»да Себалос жамоа ўйин услубига мос келади деб ҳисоблашмоқда, чунки клубга тажрибали футболчилар зарур.
Ушбу мавсум Себалос барча мусобақаларда 22 та ўйинда иштирок этди, аммо самарали ҳаракатлар билан ажралиб тура олмади. Умуман олганда, яримҳимоячи майдонда 810 дақиқа ўйнади.
Унинг клуб билан амалдаги шартномаси 2027 йил ёзигача мўлжалланган.
Розикжон Султонмуродов
Журналист