Ҳау «МЮ»ни бошқариши мумкин
Бу ҳақда Football Insider хабар берди.
Фото: Getty Images
«Нюкасл» собиқ бош мураббийи Эдди Ҳау «Манчестер Юнайтед»нинг янги мураббийига айланиши мумкин. Бу ҳақда Football Insider хабар берди.
Маълум қилинишича, агар клуб Майкл Кэррикни истеъфога чиқаришга қарор қилса, Ҳау «Манчестер Юнайтед»ни бошқариш таклифини кўриб чиқиши мумкин.
Ҳозирча «қизил иблислар» бош мураббийни вазифасидан озод қилишни режалаштирмаяпти. Лекин шундай ҳолат юз берса, клуб унинг ўрнини эгаллаши мумкин бўлган номзодларни ўрганмоқда.
Таъкидланишича, Ҳау ёзда «Нюкасл»ни тарк этганидан кейин мураббийлик фаолиятида танаффус олишга қарор қилган. Бироқ манчестерликлардан тушадиган таклиф уни яна ишга қайтишга ундаши мумкин.
