“Атлетико” Жонатан Девид бўйича “Ювентус”га сўров юборди
Мадриднинг “Атлетико” клуби ҳужум чизиғини кучайтириш учун “Ювентус” футболчиси Жонатан Девиднинг трансфери имкониятини ўрганмоқда. Инсайдер Фабрицио Романо маълумотига кўра, Мадрид клуби канадалик ҳужумчининг трансфер шартлари бўйича Турин жамоасига сўров юборган.
Ҳозирча томонлар ўртасида расмий музокаралар бошланмаган ва “Атлетико” футболчи учун таклиф ҳам бермаган. Бироқ испан клуби вакиллари “Ювентус” билан боғланиб, трансфер шартлари ҳақида маълумот олган.
Манбага кўра, Девид бошқа клубдан яхши таклиф олса, “Ювентус”ни тарк этишга тайёр. Канадалик футболчи янги мавсумнинг илк турида “Фрозиноне”га қарши учрашувда асосий таркибдан жой олмаган ва баҳсни тўлиқ захира ўриндиғида ўтказган.
Маълумот учун, 26 ёшли Жонатан Девид 2025 йил ёзида “Лилль”дан “Ювентус”га ўтган. Ҳужумчи фаолияти давомида Франция чемпионатида юқори натижадорлиги билан ажралиб турган ва Канада терма жамоасининг асосий футболчиларидан бири ҳисобланади.
