«Атлетико» Жоао Гомес трансферини сотиб олишга яқин

Испаниянинг «Атлетико Мадрид» клуби Англиянинг «Вулверхэмптон» клуби ярим ҳимоячиси Жоао Гомесни сотиб олишга яқин турибди. Бу ҳақда машҳур журналист Фабрицио Романо хабар берди.

Мадридлик клуб футболчи билан меҳнат шартномасини келишиб олди. Шу билан бирга, испан жамоаси «волклар» билан музокараларни ҳам давом эттирмоқда. Ҳар икки томон ҳам оптимистик кайфиятда.

Жоао Гомес бу мавсумда 39 та ўйинда иштирок этди ва ўйинларда 1 та гол ва 3 та ассист амалга оширди. Мавжуд маълумотларга кўра, Transfermarkt унинг бозор қийматини 35 миллион евро деб баҳолайди.

Розикжон Султонмуродов

Журналист