«Атлетико» Жезус ва Мартинеллига қизиқиш билдирмоқда
Мадриднинг «Атлетико» клуби Лондоннинг «Арсенал» жамоаси футболчилари Габриэл Жезус ва Габриэл Мартинеллига қизиқиш билдирмоқда. Бу ҳақда TEAMtalk нашри хабар бермоқда.
Нашр маълумотларига кўра, «тўпчилар» бразилиялик ҳужумчиларнинг Испания клубига трансфер қилинишига тўсқинлик қилмоқчи эмас. Ҳар икки футболчининг Лондон клуби билан амалдаги шартномаси 2027 йилга қадар мўлжалланган.
Жорий мавсумда Габриэл Жезус клуб сафида барча турнирлар доирасида 21 та ўйинда майдонга тушиб, 5 та гол урди ва 1 та голли узатмани амалга оширди. Габриэл Мартинелли эса 42 та учрашувда иштирок этиб, ўз ҳисобига 11 та гол ва 5 та самарали узатмани ёздириб қўйди.
Transfermarkt портали маълумотларига кўра, футболчиларнинг бозор қиймати мос равишда 20 миллион ва 45 миллион еврога тенг.
