“Атлетико” Виктор Осимхен трансферидадан воз кечди

“Галатасарай” ҳужумчиси Виктор Осимхен ёзги трансфер ойнасида Мадриднинг “Атлетико” клубига таклиф қилинган.

Хабарларга кўра, футболчининг вакиллари 27 ёшли нигериялик ҳужумчини тахминан 75 миллион еврога сотиб олиш мумкинлигини маълум қилишган. Осимхеннинг ўзи эса Диего Симеоне жамоасига қўшилиш учун маошини камайтиришга ҳам тайёр бўлган.

Бироқ “Атлетико” музокараларни давом эттирмасликка қарор қилган. Мадрид клуби бундай трансфер учун етарли молиявий имкониятга эга эмаслигини, шунингдек, марказий ҳужумчи позициясида Хулиан Алваресга тўлиқ ишонишини билдирган.

Осимхеннинг хизматлари “Барселона”, “Тоттенхэм” ва “Арсенал”га ҳам таклиф қилинган. Ҳужумчи ўтган мавсумда 33 учрашувда 22 та гол уриб, 8 та голли узатма берган.

Насрулло Каримов

Журналист

0 0 0 0 0 0