«Атлетико» ва «Вильярреал» Жоб Беллингемга қизиқиш билдирмоқда
Дортмунднинг «Боруссия» клуби яримҳимоячиси Жоб Беллингем «Атлетико» ва «Вильярреал» жамоаларининг эътиборини тортди. Ҳар икки клуб футболчини ўз сафларига қўшиб олиш вариантларини кўриб чиқмоқда. Бу ҳақда журналист ва инсайдер Экрем Конур хабар берди.
Аввалроқ Жоб Беллингем «Боруссия»ни тарк этишни истаяётгани ҳақида маълумотлар пайдо бўлган эди. Футболчи ўйин амалиётининг камлигидан норози бўлиб, айнан шу омил унинг бошқа клубга ўтишига сабаб бўлиши мумкин. У Дортмунд жамоасига ўтган йил ёзида қўшилган бўлса-да, ҳозирча асосий таркибдан мустаҳкам ўрин эгаллай олмади.
Жорий мавсумда Беллингем 23 та учрашувда майдонга тушиб, 2 та голли узатма муаллифига айланган. Transfermarkt портали футболчининг бозор қийматини 25 миллион евроға баҳоламоқда.
