«Atletiko» va «Vilyarreal» Job Bellingemga qiziqish bildirmoqda
Dortmundning «Borussiya» klubi yarimhimoyachisi Job Bellingem «Atletiko» va «Vilyarreal» jamoalarining e’tiborini tortdi. Har ikki klub futbolchini o‘z safiga qo‘shib olish variantlarini ko‘rib chiqmoqda. Bu haqda jurnalist va insayder Ekrem Konur xabar berdi.
Avvalroq Job Bellingem «Borussiya»ni tark etishni istayotgani haqida ma’lumotlar paydo bo‘lgan edi. Futbolchi o‘yin amaliyotining kamligidan norozi bo‘lib, aynan shu omil uning boshqa klubga o‘tishiga sabab bo‘lishi mumkin. U Dortmund jamoasiga o‘tgan yil yozida kelib qo‘shilgan bo‘lsa-da, hozircha asosiy tarkibdan mustahkam o‘rin egallay olmadi.
Joriy mavsumda Bellingem 23 ta uchrashuvda maydonga tushib, 2 ta golli uzatma muallifiga aylangan. Transfermarkt portali futbolchining bozor qiymatini 25 million yevroga baholamoqda.
