«Атлетико» Сёрлотни сотишга тайёр
Футболчининг "матрасчилар" билан шартномаси 2028 йилнинг ёзигача мўлжалланган.
ФОТО: Getty images
"Атлетико" ҳужумчи Александр Сёрлотни сотиш вариантини кўриб чиқмоқчи. Бу ҳақда журналист Маттео Моретто хабар тарқатмоқда.
Манбага кўра, агар клубга муносиб таклиф тушса, мадридликлар уни кўриб чиқишга тайёр. "Атлетико" 30 ёшли футболчи учун 35-40 млн евро талаб қилмоқда.
Маълумот учун, Сёрлот мадридликлар сафида 2024 йилнинг ёзидан бери тўп суради. Норвегиялик ҳужумчи жорий мавсум барча мусобақаларда 22 ўйин ўтказиб, 5 та гол урди ва 1 та голли узатма амалга оширди.
Футболчининг шартномаси 2028 йилнинг ёзигача мўлжалланган. Transfermarkt портали унинг трансфер қийматини 20 млн евро деб баҳоламоқда.
Розикжон Султонмуродов
Журналист