«Атлетико» Сёрлот билан хайрлашмоқчи
Фото: Getty Images
Мадриднинг “Атлетико” клуби ҳужумчи Александр Сёрлот билан хайрлашмоқчи. Бу ҳақда Marca хабар берди.
Манбага кўра, “матрасчилар” раҳбарияти норвегиялик 29 ёшли футболчини кетказиш йўлларини изламоқда.
Унга “Наполи” клуби томонидан қизиқиш бўлганди. Аммо Неапол клуби расмий таклиф билан клубга боғланмаган.
Футболчи “Атлетико”га қадар “Лейпциг” ва “Реал Сосьедад” жамоаларида ҳам тўп тепган.
Сёрлот ўтган мавсумда Ла Лигада рекорд ўрнаганди. У Ла Лига тарихдаги энг тезкор хет-трикни қайд этганди. Бу натижа учун Александр 10 дақиқа 46 сония вақт сарфлаганди.
Розикжон Султонмуродов
Журналист