«Atletiko» Sörlot bilan xayrlashmoqchi
Фото: Getty Images
Madridning "Atletiko" klubi hujumchi Aleksandr Sörlot bilan xayrlashmoqchi. Bu haqda Marca xabar berdi.
Manbaga ko'ra, "matraschilar" rahbariyati norvegiyalik 29 yoshli futbolchini ketkazish yo'llarini izlamoqda.
Unga "Napoli" klubi tomonidan qiziqish bo'lgandi. Ammo Neapol klubi rasmiy taklif bilan klubga bog'lanmagan.
Futbolchi "Atletiko"ga qadar "Leyptsig" va "Real Sosedad" jamoalarida ham to'p tepgan.
Sörlot o'tgan mavsumda La Ligada rekord o'rnatgandi. U La Liga tarixidagi eng tezkor xet-trikni qayd etgandi. Bu natija uchun Aleksandr 10 daqiqa 46 soniya vaqt sarflagan.
Roziqjon Sultonmurodov
Jurnalist