«Атлетико» Ли Кан Инга даъвогарлик қилмоқда

«ПСЖ» ярим ҳимоячиси Ли Кан Ин клубни тарк этмоқчи ва асосий вариант сифатида Мадриднинг «Атлетико»сини кўриб чиқмоқда.

Франция клуби футболчини 30 миллион евро эвазига қўйиб юбориши мумкин. Бу ҳақда инсайдер Маттео Моретто ижтимоий тармоқда хабар берди.

Манбага кўра, Мадрид ва Париж клублари ўртасидаги муносабатлар юқори даражада. «Атлетико» футболчига наfaқат таркибни кучайтириш, балки маркетинг мақсадларида ҳам қизиқиш билдирмоқда.

Ўтган мавсумда ярим ҳимоячи 39 та ўйинда майдонга тушиб, 4 та гол урди ва 5 та голли узатмани амалга оширди. Transfermarkt маълумотларига кўра, Ли Кан Иннинг бозор қиймати 28 миллион еврони ташкил этади.

Розикжон Султонмуродов

Журналист

0 0 0 0 0 0