«Atletiko» Li Kan Inga da’vofarlik qilmoqda
Transfermarkt ma’lumotlariga ko‘ra, Li Kan Inning bozor qiymati 28 million yevroni tashkil etadi.
ФОТО: Getty images
«PSJ» yarim himoyachisi Li Kan In klubni tark etmoqchi va asosiy variant sifatida Madridning «Atletiko»sini ko‘rib chiqmoqda.
Fransiya klubi futbolchini 30 million yevro evaziga qo‘yib yuborishi mumkin. Bu haqda insayder Matteo Moretto ijtimoiy tarmoqda xabar berdi.
Manbaga ko‘ra, Madrid va Parij klublari o‘rtasidagi munosabatlar yuqori darajada. «Atletiko» futbolchiga nafaqat tarkibni kuchaytirish, balki marketing maqsadlarida ham qiziqish bildirmoqda.
O‘tgan mavsumda yarim himoyachi 39 ta o‘yinda maydonga tushib, 4 ta gol urdi va 5 ta golli uzatmani amalga oshirdi. Transfermarkt ma’lumotlariga ko‘ra, Li Kan Inning bozor qiymati 28 million yevroni tashkil etadi.
Roziqjon Sultonmurodov
Jurnalist