«Атлетико» Гехи учун курашга қўшилди
Унга Европанинг топ жамоалари қизиқмоқда.
ФОТО: Getty images
“Кристал Пэлас” ҳимоячиси Марк Гехи “Атлетико”нинг қизиқишлари доирасига тушиб қолди. Бу ҳақда журналист Маттео Моретто хабар берди.
Манбага кўра, “бургутлар” футболчининг вакиллари билан алоқага чиққан. Томонлар ўртасида дастлабки музокара бўлиб ўтган.
Қолаверса, Геҳи ёзда эркин агентга айланади ва жамоани тарк этиш ниятида.
Гехи учун “Барселона” ва “Бавария” ҳам қизиқиш билдирмоқда. Аммо “Ливерпуль” асосий номзод сифатида кўрсатилмоқда. Футболчининг ўзи ҳам мерсисайдликлар либосини кийишни режалаштирган.
Розикжон Султонмуродов
Журналист